Belarus Podcast Hub аб'яўляе набор на афлайн-курс для падкастэраў з досведам працы ў журналістыцы.
Галоўны фокус трэнінгу – на стварэнні комплексных, «рэжысёрскіх» аўдыягісторый, якія будуць асвятляць пэўную праблему ці з’яву.
4-дзённы трэнінг пройдзе 26-29 верасня ў Вільні (Літва) і будзе складацца з тэарытычнай і практычнай частак.
У межах заняткаў вы:
даведаецеся пра сучасны стан падкастынгу ў свеце і асаблівасці стварэння падкастаў на нацыянальнай мове;
прапрацуеце гісторыі для ўласных наратыўных падкастаў;
наведаеце серыю практычных заняткаў па пошуку ўласнага гучання, напісанню сцэнара, выкарыстанню саўнддызайну і музыкі;
даведаецеся пра стратэгіі пошуку слухачоў падкаста і яго манетызацыі.
Сваім досведам у стварэнні наратыўных падкастаў падзеліцца каманда журналістаў літоўскай медыяініцыятывы NARA: Караліс Вішняўскас, Індрэ Кіршайтэ, Томас Валкаўскас і Ката Бітоўт. Nara – гэта медыяпраект, які займаецца сацыяльнай лонгрыд-журналістыкай. Падкаст NARA быў запушчаны ў 2017 годзе і быў намінаваны на прэмію PRIX Europa Awards і прадстаўлены на Міжнароднай канферэнцыі Audiodocs у Ісландыі і Міжнародным фестывалі журналістыкі ў Італіі. У 2019 годзе NARA (тады – NYLA) быў названы лепшым літоўскім падкастам на канферэнцыі LOGIN.
Больш падрабязна пра NARA можна пачытаць у інтэрв'ю з Індрэ Кіршайтэ для Belarus Podcast Hub.
Для каго гэты курс
Для ўдзелу ў адукацыйным курсе запрашаюцца журналісты, кантрыб’ютары і грамадзянскія актывісты з досведам працы ў журналістыцы. Па выніках курсу кожны ўдзельнік і ўдзельніца будуць мець драфт уласнай наратыўнай гісторыі і план па пераўтварэнню яе ў падкаст, а таксама да 5 снежня 2023 года маюць стварыць 2-3 эпізоды ўласнага падкаста пры фінансавай і тэхнічнай падтрымцы Belarus Podcast Hub.
Крытэрыі ўдзелу
наяўнасць распрацаваннай ідэі вашага падкаста;
магчымасць наведаць заняткі 26-29 верасня ў Вільні (а таксама наяўнасць візы для такога ўдзелу);
магчымасць выпусціць 2-3 эпізоды ўласнага наратыўнага падкаста да 5 снежня 2023 года (з рэсурснай падтрымкай Belarus Podcast Hub).
Больш аб курсе
Заняткі будуць праходзіць у Вільні. Мова трэнінгу – англійская, пры неабходнасці будзе арганізаваны пераклад. Удзельнікам і ўдзельніцам неабходна таксама мець пры сабе лэптоп і навушнікі.
Удзел у курсе бясплатны. Для ўдзельнікаў курса з іншых гарадоў мы пакрываем транспартавыя выдаткі, пражыванне ў гатэлі, харчаванне (мы не маем магчымасці аказаць візавую падтрымку, але калі яна вам патрэбная – пішыце, будзем думаць разам).
Для ўдзелу ў курсе неабходна запоўніць форму заяўкі. Арганізатары пакідаюць за сабой права адбору ўдзельнікаў. Апошні дзень для падачы заяўкі – 1 верасня 23:59.
Курс ладзіцца пры падтрымцы EHU і CreateCulture Space.
Пры падтрымцы экспертаў удзельнікі будуць працаваць над сваімі праектамі на працягу ўсяго трэнінгу.
Karolis Vyšniauskas
Рэдактар і аўтар
NARA
Indrė Kiršaitė
Рэдактарка і журналістка
NARA
Tomas Valkauskas
Журналіст
LRT
Kata Bitowt
Гукарэжысёрка
NARA